Ang integrated paper na ito ay naglalayong makabahagi ng mga karanasan ng grupo sa pakikipamuhay sa komunidad ng Panacan at makapagsuri sa kalagayan ng mga kababaihan sa baybaying lugar, na siyang naging tutok ng pananaliksik, para matingnan ang mga “dynamics” ng relasyong sosyal na nakapaikot sa buhay ng mga kababaihan at kalalakihan sa lugar at nagkahon sa kanila sa mga tradisyunal na papel at responsibilidad sa sambahayan at sa komunidad.